Numri i ulët i grave fituese/ Kreu i Nobel: Nuk vendosim dot kuota për gjininë dhe etninë, çmimin e merr si që bën zbulimin më të rëndësishëm

Kreu i akademisë që jep Çmimet Nobel në shkencë ka thënë se nuk do të vendosë kuota gjinore.

Goran Hansson, kreu i Akademisë Mbretërore Suedeze të Shkencave, tha se ata duan që njerëzit të fitojnë sepse ata bënë zbulimin më të rëndësishëm  jo për shkak të gjinisë ose etnisë.

Që nga fillimi i tij në 1901, vetëm 59 Çmime Nobel u janë dhënë grave. Maria Ressa, gruaja e vetme e nderuar këtë vit, ndau Çmimin Nobel për Paqe me gazetarin tjetër Dmitry Muratov.

Çifti fitoi çmimin për përpjekjet e tyre për të mbrojtur lirinë e shprehjes në vendet e tyre përkatëse, Filipinet dhe Rusia.

“Është e trishtueshme që ka kaq pak gra laureate të Nobelit dhe kjo pasqyron kushtet e padrejta në shoqëri, veçanërisht në vitet e kaluara, por ende ekzistuese. Dhe ka shumë më tepër për të bërë”, tha Hansson për agjencinë e lajmeve AFP.

“Ne kemi vendosur që nuk do të kemi kuota për gjininë ose etninë,” tha ai, duke shtuar se vendimi ishte “në përputhje me frymën e vullnetit të fundit të Alfred Nobel”.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *