OKB kërkon hetim të pavarur për vdekjen e ish-ministrit venezuelian

Zyra e Kombeve të Bashkuara për të drejtat e njeriut i kërkoi Venezuelës të kryejë një “hetim të pavarur” mbi vdekjen e ish -ministrit të burgosur Raul Baduel, një disident i shquar i cili konsiderohej si i burgosur politik nga opozita e vendit.

“Ne jemi thellësisht të trishtuar nga vdekja e Raul Baduel në paraburgim,” tha Komisionerja e Lartë e Kombeve të Bashkuara për të Drejtat e Njeriut, Michelle Bachelet.

“Ne i bëjmë thirrje Venezuelës të sigurojë një hetim të pavarur, të marrë të gjitha masat e nevojshme për të garantuar aksesin në kujdesin shëndetësor të të ndaluarve, të marrë në konsideratë masat alternative të paraburgimit dhe të lirojë të gjithë të ndaluarit në mënyrë arbitrare.”

Baduel u arrestua në vitin 2009 nën akuzat për korrupsion pasi u përplas me Partinë Socialiste, përfundimisht u vendos në arrest shtëpie dhe më pas u burgos përsëri në vitin 2017 për dyshimin e komplotit kundër Presidentit të Venezuelës Nicolas Maduro.

Një gjeneral në pension, ai shërbeu si ministër i mbrojtjes i Venezuelës nën ish-Presidentin Hugo Chavez. Por marrëdhënia midis çiftit u prish më vonë pasi Baduel argumentoi kundër një reforme kushtetuese të propozuar nga Chavez.

Dy nga djemtë e Baduel janë arrestuar gjithashtu për komplot të dyshuar.

Raul Emilio Baduel që atëherë është liruar, por Josnars Adolfo Baduel mbetet në paraburgim, i akuzuar për pjesëmarrje në pushtimin e dështuar detar në maj 2020 i njohur si “Operacioni Gideon” që kishte për qëllim përmbysjen e Maduros.

Prokurori i përgjithshëm i vendit njoftoi vdekjen e Baduel të martën, duke thënë se ai vdiq si rezultat i koronavirusit.

Por Tarek Saab nuk tha nëse ishte shtruar në spital apo në burg kur vdiq. Baduel ishte mbajtur në një stacion policie të inteligjencës në Sebin.

“Na vjen keq për vdekjen e Raul Isaias Baduel nga arresti  kardiak-respirator, produkt i COVID-19, megjithëse ai po merrte kujdesin përkatës mjekësor dhe kishte marrë dozën e parë të vaksinës,” tha Saab në një postim në Twitter.

Familja e Baduel tha se ata mësuan për vdekjen e tij përmes Twitter.

“Unë nuk kam marrë një telefonatë nga asnjë person në qeveri,” tha gruaja e tij, Cruz Zambrano de Baduel. Ajo shtoi se ishte skeptike se burri i saj, të cilin e kishte parë katër javë më parë, ishte infektuar me COVID-19.

Grupet e të drejtave të njeriut kanë fajësuar qeverinë për vdekjen e tij.

“Me vdekjen e Raul Isaias Baduel janë dhe dhjetë të burgosur të tjerë politikë që kanë vdekur në paraburgim,” tha Gonzalo Himiob, një avokat në Foro Penal, një organizatë e të drejtave që ofron ndihmë juridike.

“Përgjegjësia për jetën dhe shëndetin e çdo të burgosuri bie mbi shtetin.”

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *