OKB thirrje për të luftuar racizmin

14:30 29/06/2021

“T’i jepet fund padrejtësive mes njerëzve, pas vrasjes se George Floyd në Minnesota”

Njerzit me origjine afrikane përballen me padrejtësi racore krahasuar me pjesën tjetër të shoqërisë

Këshilli i Kombeve të Bashkuara për të Drejtat e Njeriut ka kërkuar veprime globale përfshirë dëmshpërblimet për të luftuar racizmin ndaj njerëzve me origjinë afrikane.

Raporti i tij i ri gjithashtu nxit reformën arsimore si dhe adreson një ndër problematikat më të mëdha diskriminimin. Gjetjet përmendin shqetësime në rreth 60 vende duke përfshirë Mbretërinë e Bashkuar, Belgjikë, Francë, Kanada, Brazil dhe Kolumbi.

Studimi filloi pas vrasjes së George Floyd, një i ri afro-amerikan i paarmatosur i cili humbi jetën teksa një polic i vendosi gjurin në fyt në 2020. Përfundimet thonë se protestat mbi vdekjen e tij nga Minesota dhe dënimi i një polici të bardhë ishin një pikë thelbësore në luftën kundër racizmit.

Komisionerja e Lartë e Kombeve të Bashkuara për të Drejtat e Njeriut, Michelle Bachelet u bëri thirrje vendeve që të miratojnë axhenda transformuese për të çrrënjosur këtë problem. Raporti i OKB-së bazohet në diskutime me më shumë se 300 ekspertë , njerëz me origjinë afrikane dhe kërkon të shtyjë kombet për t’i dhënë fund padrejtësive racore.

Në të thuhet gjithashtu se racizmi ishte problemi më i madh në vendet e lidhura me tregtinë e dikurshme të shumë miliona afrikanëve të destinuar për skllavëri.

Klan News

Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *