Operacioni i shkon keq, çimentoja shpoi zemrën dhe mushkëritë e njeriut

21:06 06/10/2021

Një 56-vjeçar u dërgua me urgjencë në spital dhe u fut direkt në sallën e operacionit, pasi një copë çimentoje 10 cm u zbulua e ngulitur në zemrën e tij.

Pacienti i ishte nënshtruar një operacioni vetëm pesë ditë më parë. Sipas një raporti të botuar në New England Journal of Medicine, burri vuante nga një ‘emboli çimentoje intrakardiake’, si rezultat i drejtpërdrejtë i procedurës së mëparshme.

Ai iu nënshtrua raundit fillestar të trajtimit për një frakturë të shpinës, duke kaluar një operacion të thjeshtë të njohur si kyfoplastikë. Kjo është ajo ku lëndimet kurrizore dhe dhimbjet e forta të shpinës trajtohen me një injeksion të çimentos mjekësore “speciale” në rruaza.

Ndërsa mbi 98% e pacientëve janë në gjendje të shkojnë në shtëpi dhe të shërohen brenda disa orësh pas operacionit, ky pacient përjetoi komplikime ekstreme.

Çimentoja e injektuar rrodhi në sistemin e burrit, duke u ngurtësuar përfundimisht në një kunj të gjatë 10 cm dhe duke udhëtuar drejt zemrës së tij, sipas Daily Star.

Ndërsa rrjedhja është një ndërlikim i njohur i kyfoplastikës dhe është dokumentuar në të kaluarën, është gjithashtu tepër i rrallë. Më pak se 2% e pacientëve janë prekur në përgjithësi.

Gjatë kohës së shërimit, pacienti filloi të përjetonte një shfaqje të papritur të simptomave shqetësuese. Ai u ankua për dhimbje në gjoks, shpatull, nofull si dhe gulçim.

Copa e çimentos ishte duke shpuar zemrën dhe mushkërinë e tij të djathtë në të njëjtën kohë. Pacienti më pas u dërgua me urgjencë në kirurgji në mënyrë që mjekët të hiqnin objektin e huaj dhe të riparonin çdo dëm të shkaktuar.

Kirurgët nxorën me sukses çimenton pa shkaktuar ndonjë dëm të përhershëm. U riparuan edhe organet e shpuara.

Në muajin që nga kryerja e operacionit të tij të dytë, pacienti fatmirësisht nuk ka përjetuar komplikime të tjera. New England Journal of Medicine thotë se ai po bën një shërim të plotë. /tvklan.al

Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *