Operacioni për kapjen e 400 kg kokainë në Kosovë, sekuestrohen edhe armë, para, fishekë, celularë e kompjutera. Ja kush janë 7 të arrestuarit

KOSOVA

Kontrollet në Kosovë vijojnë pas kapjes së 400 kg kokainë të ardhura nga Brazili në Lipjan nëpërmjet një konteineri dhe të kamufluara si mish.

Sipas mediave të Kosoves, Policia ka vijuar kontrollet dhe janë gjetur në disa vende të ndryshme para në euro e denarë, armë, fishekë, celularë e kompjutera të cilat janë sekuestruar pasi kanë lidhje me kokainën e kapur.

“Rr. Lidhje e Prizrenit, Lipjan (NN) 17.05.2021-11:10. Drejtoria e Hetimeve të Trafikimit me narkotik në koordinim me policinë italiane dhe shqiptare, pas një hetimi të përbashkët gjatë kontrollit në depon e një kompanie kanë gjetur dhe sekuestruar një sasi substancë të dyshuar narkotike të llojit kokainë në peshë prej 400 kg, ndërsa gjatë kontrollit në disa lokacione tjera janë gjetur dhe sekuestruar: dy revole një TT dhe tjetra me gas, 50 copë fishekë të cal. 7.62 mm, 25925 €  para kesh, 200 denar MK, një veturë,  6 telefona celular,  6 PC,  dy llap top, katër DVR dhe një Hard Disc”, ka njoftuar policia.

Po ashtu sipas mediave të Kosovës janë 7 të arrestuar deri më tani të cilët kanë tërhequr drogën ose kanë lidhje me kokainën e kapur në Lipjan.

Në fakt, konteineri me 400 kg kokainë u nis nga Brazili, kaloi në Itali, madje erdhi dhe në portin e Durrësit në Shqipëri, por u mbajt nën vëzhgim pas informacionit të ardhur nga DEA dhe më pas u kap në Lipjan të Kosovës.

Mgarkesa e mishit ku ishte fshehur dhe droga ishte porositur nga kompania Mcfood, me ortakët Izet Sheqiri dhe Bledar Habili, me bazë në Kosovë, por që ka filial edhe në Shqipëri.

EMRAT E TË ARRESTUARVE

Izet (Osman) Sheqiri – 23.12.1968

Kadri (Shaip) Sheqiri – 12.09.1978

Faton (Nazmi) Vrajolli – 16.02.1976

Bajram (Lutfi) Maliqi – 05.09.1984

Kadri (Hakif) Brahimi – 06.11.1972

Enver (Ramiz) Belegu – 02.03.1956

Fehmi (Izet) Bytyqi – 16.07.1967

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *