Papa: Dëgjoni “klithmën e Tokës dhe britmën e të varfërve”

20:00 31/10/2021

Apeli për liderët botërorë

Nga mesha tradicionale e së dielës në Vatikan, Papa Françesku u bëri thirrje liderëve botërorë që do të marrin pjesë në Samitin e OKB-së për Ndryshimet Klimatike në Glasgow (COP26) që të dëgjojnë “klithmën e tokës dhe britmën e të varfërve”.

Françesku, i cili e ka bërë mbrojtjen e mjedisit një pikë kyçe të pontifikatit të tij, tha në bekimin e tij në Sheshin e Shën Pjetrit se ai shpresonte se takimi do të jepte “përgjigje efikase dhe do të ofronte shpresë konkrete për brezat e ardhshëm”.

Papa u adresoi lutjet e tij popullit të Vietnamit, ku shirat e dendur që vijojnë prej ditësh kanë shkaktuar përmbytje të përhapura në disa pjesë të vendit, duke vrarë të paktën disa persona dhe sjellë me mijëra të evakuuar nga shtëpitë e tyre.

Papa Françesku u kërkoi besimtarëve që të luteshin edhe për Haitin, ku pompat e benzinës mbetën të thata pasi bandat bllokuan hyrjen në depozitat e porteve dhe pikat e furnizimit me karburant duke kërkuar dorëheqjen e qeverisë.

Mungesa e karburantit prej disa ditësh i ka lënë haitianët me pak mundësi transporti dhe kanë detyruar mbylljen e disa bizneseve. Edhe spitalet rrezikojnë që të mbyllen për shkak të ndërprerjeve të vazhdueshme të rrymës elektrike sepse mbështeten tek gjeneratorët me naftë për të siguruar energji.

Klan News

Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *