Papa Françesku: Situata në Ukrainë të zgjidhet me dialog, jo me armë

papa francesku situata ne ukraine te zgjidhet me dialog jo me arme
papa francesku situata ne ukraine te zgjidhet me dialog jo me arme

16:36 13/12/2021

Rusia nuk tërhiqet, mbyll qasjen e Kievit në detin Azov

“Tensionet në Ukrainë mund të zgjidhen me dialog serioz ndërkombëtar dhe jo me armë. Armët nuk janë rruga. Le të sjellë paqen në Ukrainë kjo Krishtlindje e Zotit”. Kështu Papa Françesku drejtoi lutjet e tij nga sheshi Shën Pjetër pas “Angelus”.

Jam shumë i pikëlluar nga statistikat theksoi Ati i Shenjtë sepse këtë vit që po mbyllim janë prodhuar edhe më shumë armë se vitin e kaluar. Kjo nuk janë kurrë rruga”, u shpreh Papa në këtë apel për paqen në Ukrainë.

Edhe pse Joe Biden dhe Vladimir Putin u ulen për bisedime virtuale që synonin t’i jepnin fund krizës, Rusia po vijon përgatitjet për të nisur një pushtim tokësor në shkallë të plotë të fqinjit të saj me përqendrimin e trupave ushtarake në zonat në kufi me territorin e kontrolluar nga autoritetet ukrainase.

Rusia ka mbyllur gati 70% të Detit Azov, pasi flota e saj kishte kapur një anije ukrainase në Detin Azov pranë Krimesë për mosbindje të urdhrave.

Kremlini po ashtu kërkon që NATO të mohonte zyrtarisht vendimin e samitit të NATO-s në Bukuresht të vitit 2008 se “Ukraina dhe Gjeorgjia do të bëhen anëtarë të NATO-s”.

Putini i ka kaluar dy dekadat e fundit duke u përpjekur të luftojë zgjerimin e NATO-s, por anëtarësimi i mundshëm i Ukrainës në aleancën ushtarake ka prekur gjithmonë emocione më të thella dhe pjesërisht e ka motivuar atë të urdhërojë aneksimin e Krimesë dhe të provokojë një luftë në Ukrainën lindore që ka vrarë më shumë se 14,000 njerëz.”

SHBA-ja ka kërkuar të bindë Rusinë se Ukraina nuk do t’i bashkohet aleancës së shpejti, por të premten Moska kërkoi një deklaratë më formale. Kjo nuk ishte fillimi, tha kreu i NATO-s, Jens Stoltenberg, brenda disa orësh pas publikimit të kërkesës.

“Marrëdhëniet e NATO-s me Ukrainën do të vendosen nga 30 aleatët e NATO-s dhe Ukraina – askush tjetër”, tha ai gjatë një konference për shtyp me kancelarin e ri të Gjermanisë, Olaf Scholz.

Klan News

Burimi informacionit @TvKlan: Lexo me shume ne : www.botasot.al

Spread the love

Similar Posts