Paraqitja e letrave kredenciale/ Presidenti Meta takon ambasadoren e re të Irlandës: Mirënjohje për mbështetjen e dhënë për Shqipërinë





metafitzgerald

Presidenti Ilir Meta ka takuar ditën e sotme ambasadoren e re të Irlandës, Iseult Fitzgerald me rastin e paraqitjes së Letrave Kredenciale.

Duke vlerësuar rëndësinë e forcimit të bashkëpunimit, kreu i shtetit shprehu mirënjohjen për ndihmën që ka dhënë Irlanda ndaj Shqipërisë sidomos në lehtësimin e pasojave të tërmetit.

Përmes një postimi në rrjete sociale, Meta shkruan se ka falenderuar diplomaten irlandeze në emër të shqiptarëve që jetojnë në Irlandë.

Postimi i plotë i Ilir Metës:

Takim i përzemërt dhe bisedë e hapur me Ambasadoren e re të Republikës së Irlandës në Shqipëri, Sh.S.Znj. Iseult Fitzgerald, me rastin e paraqitjes së Letrave Kredenciale. Shpreha mirënjohjen për ndihmën, që Irlanda, ka dhënë për lehtësimin e pasojave të tërmetit të 26 nëntorit 2019, për mbështetjen në vazhdimësi për Shqipërinë, si dhe për rolin konstruktiv në rajon.

Vlerësova rëndësinë e intesifikimit të bashkëpunimit në të gjitha fushat me interes reciprok, veçanërisht në ato ekonomike dhe tregtare, që janë nën nivelin e potencialeve tona. E falenderova gjithashtu Ambasadoren në emër të të gjithë shqiptarëve, të cilët kanë ndërtuar jetën e tyre në Republikën e Irlandës, për mundësitë, që u janë krijuar, për t’u integruar në shoqërinë e tyre.

I urova shumë suksese në misionin e saj diplomatik në Shqipëri dhe e sigurova për bashkëpunim dhe mbështetje të plotë në funksion të forcimit të mëtejshëm të marrëdhënieve të mira mes dy vendeve tona.

© Panorama.al Burimi informacionit @Panorama.al: Lexo me shume: www.botasot.al

Spread the love

Similar Posts

Leave a Reply

Your email address will not be published. Required fields are marked *