Parlamenti Evropian merr vendimin për uljen e emetimeve të gazit serrë: Makinat e reja me djegie të brendshme do reduktohen deri në 55%

parlamenti evropian merr vendimin per uljen e emetimeve te gazit serre makinat e reja me djegie te brendshme do reduktohen deri ne 55
parlamenti evropian merr vendimin per uljen e emetimeve te gazit serre makinat e reja me djegie te brendshme do reduktohen deri ne 55

Ligjvënësit evropianë të enjten arritën një marrëveshje për të hequr gradualisht shitjen e makinave dhe furgonëve të rinj me motor me djegie deri në vitin 2035.

Marrëveshja midis përfaqësuesve të Parlamentit Evropian dhe Këshillit Evropian përfaqëson të parën e bërë nën paketën flamurtare të bllokut ‘Fit for 55’ për të reduktuar emetimet e gazeve serrë me të paktën 55% deri në vitin 2030.

Legjislacioni i ri planifikon një objektiv për reduktimin e emetimeve të CO2 prej 55% për makinat e reja dhe 50% për furgonët e rinj deri në vitin 2030 krahasuar me nivelet e vitit 2021 dhe për një ulje prej 100% të emetimit të CO2 deri në vitin 2035, duke ndaluar në mënyrë efektive shitjen e makinave të reja me motor me djegie.

Transporti përbën 30% të emetimeve totale të gazeve serrë të BE-së dhe pothuajse 2/3 e naftës së përdorur në BE, sipas Agjencisë Evropiane të Mjedisit.

“Me këto objektiva, ne krijojmë qartësi për industrinë e makinave dhe stimulojmë inovacionin dhe investimet për prodhuesit e makinave. Përveç kësaj, blerja dhe drejtimi i makinave me emetim zero do të bëhen më të lira për konsumatorët,” tha eurodeputeti holandez Jan Huitema, raportues i Parlamentit Evropian.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb


Burimi informacionit @BalkanWeb: Lexo me shume ne : www.botasot.al

Spread the love

Similar Posts