Përmbytjet në Afrikë, mbi 100.000 njerëz braktisin shtëpitë

11:33 20/09/2021

Katastrofat natyrore kanë detyruar më shumë se 100.000 mijë njerëz të braktisin shtëpitë e tyre në Burundi, Afrikë. Ky është raporti më i fundit i organizatës “Save The Children”.

Pjesa më e madhe e tyre kanë jetuar në brigjet e liqenit Tanganika ku niveli i ujit është rritur si pasojë e stuhive të fuqishme që kanë shkaktuar përmbytje dhe rrëshqitje të tokës. Njerëzit tregojnë se si janë zgjuar në mes të natës duke i gjetur shtëpitë dhe fermat e tyra të përpira nga liqeni, i cili është i dyti në botë për nga madhësia.

“Save The Children” i është referuar si “kriza e harruar”. Liqeni Tanganika përshkon Burundinë dhe rajone të tjera të Afrikës. Është liqeni më i gjatë me ujë të ëmbël. Gjatë prillit, niveli i tij u rrit nga 772.7 metra në 776.4.

Ka shumë faktorë që ndikojnë në përmbytjet e tij, por ngrohja globale po shkakton reshje shiu të shpeshta në këtë rajon. Njerëzit janë të trembur për jetën e tyre, pasi nuk kanë siguri për të ardhmen. Në kampet e ngritura, pjesa më e madhe prej tyre janë fëmijë të moshave nën një vjeç, ndërsa të tjerë nuk ndjekin as shkollën. Përveç kësaj, munden të hanë vetëm një vakt në ditë./tvklan.al

Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *