Përse Presidenti i Gjermanisë nuk është i mirëpritur në Kiev?

10:25 13/04/2022

Presidenti i Gjermanisë Frank-Walter Steinmeier kishte planifikuar një vizitë në Kiev por e anuloi për shkak se autoritetet ukrainase e refuzuan.

Në vend të tij, ukrainasit kanë ftuar Kancelarin gjerman Olaf Scholz.

Plani i Presidenti gjerman Steinmeier ishte të udhëtonte në Kiev në shenjë solidariteti për Ukrainën.

“Isha gati ta bëja këtë, por mesa duket nuk dëshirohej në Kiev. Duhet ta mbaj parasysh këtë gjë”, tha Presidenti i Gjermanisë.

Gazeta gjermane Bild citoi burime ukrainase që thonë se Steinmeier iu refuzua vizita në Kiev për shkak të lidhjeve të ngushta që kishte mbajtur me Rusinë gjatë viteve të fundit.

Javën e kaluar, Presidenti Steinmeier pranoi se kishte gabuar në këtë qëndrim të tij me Rusinë, duke thënë se politika gjermane ndaj Moskës kishte dështuar dhe se ai ishte përpjekur për të ndërtuar ura bashkëpunimi me Putinin.  /tvklan.al

Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published.