Përvjetori i 11 shtatorit/ Mbretëresha Elizabeth dhe Jonhson mesazh presidentit Biden: Terroristët nuk arritën të trondisnin besimin tonë në demokraci

Mbretëresha Elizabeth  i ka dërguar një mesazh Presidentit amerikan Biden duke shënuar 20 vjetorin e sulmeve të 11 shtatorit, duke thënë se mendimet dhe lutjet e saj ishin me viktimat, të mbijetuarit dhe familjet e tyre.

Në mesazhin e saj, ajo gjithashtu theksoi qëndrueshmërinë e komuniteteve që u bashkuan për të rindërtuar.

Kryeministri britanik Boris Johnson tha se terroristët nuk kishin arritur të “trondisnin besimin tonë në liri dhe demokraci”.

Një total prej 2,977 njerëz vdiqën në sulmet terroriste, përfshirë 67 britanikë.

Sulmet, të cilat ishin planifikuar nga Al -Kaeda nga Afganistani, panë katër avionë pasagjerësh amerikanë të kapur nga sulmuesit vetëvrasës – dy prej të cilëve u hodhën në Kullat Binjake të Qendrës Tregtare Botërore në Nju Jork.

Një aeroplan tjetër u rrëzua në Pentagon, pak jashtë kryeqytetit amerikan, Uashington DC, dhe një aeroplan i katërt u rrëzua në një fushë në Pensilvani pasi pasagjerët u kundërpërgjigjën.

Si pjesë e ngjarjeve të ditës për të shënuar përvjetorin, një shërbim privat i përkujtimit i organizuar nga Grupi Mbështetës i Familjeve të MB në 11 Shtator do të mbahet në Grosvenor Square në Londrën qendrore.

Pas perëndimit të diellit, 67 qirinj do të ndizen në kopsht për të kujtuar secilën prej viktimave britanike.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *