Pfizer do të dërgojë vaksina në Meksikë

11:58 30/04/2021

Ky shtet ka marrë mbi 10 milionë doza nga kompania farmaceutike dhe do të marrë edhe 2 milionë të tjera

Vaksinat kundër Covid-19, të kompanisë Pfizer/Biontech do të dërgohen në Meksikë. Dozat janë prodhuar në fabrikën e kompanisë Pfizer në Kalamazu të Miçiganit, të Shteteve të Bashkuara.

Kufizimi mbi  eksportimin e saj ishte vendosur më herët nga administrata e ish-presidentit Trump por që skadoi në fund të Marsit.

Qeveria amerikane ka qenë nën presion në rritje në javët e fundit për t’ua dhënë vaksinat e tepërta vendeve të tjera në nevojë të jashtëzakonshme pasi ajo po bën përparim të shpejtë në vaksinimin e popullsisë së saj. Shumë vende, ku virusi është ende jashtë kontrollit, po përpiqen të marrin furnizime me vaksina për të ndihmuar në zbutjen e pandemisë.

Pfizer ka dërguar më shumë se 10 milion doza në Meksikë deri më tani, duke u bërë furnizuesi i saj më i madh i vaksinave COVID-19. Ministria e Shëndetësisë së Meksikës ka bërë të ditur se po pret 2 milion doza nga Pfizer. Ajo ka marrë më shumë se një milion doza nga Belgjika.

Qeveritë e pasura janë përpjekur të grumbullojnë vaskina COVID-19 nga Pfizer dhe Moderna për shkak të efikasitetit të tyre jashtëzakonisht të lartë. Pfizer ka thënë se do të bëjë deri në 25 milionë doza çdo javë në Shtetet e Bashkuara deri në mes të vitit, që është më shumë sesa i duhet për të përmbushur angazhimin e saj për të dhënë 300 milionë doza në Shtetet e Bashkuara deri në fund të Korrikut.

Sipas të dhënave federale, fushata e vaksinimit të SHBA-së ka qenë ndër më të shpejtat dhe më të suksesshmet në botë, me gati 240 milionë doza të administruara për më shumë se 140 milionë banorë deri më tani.

Klan News

Për rezultatet e zgjedhjeve 2021 vizitoni rezultatet.tvklan.al

Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *