Plagosi në banesë Vali Corleonen, lihet në burg e dashura 22-vjeçare. Gjykata: Tentoi ta vrasë!

Është caktuar masa ‘arrest me burg’ për Anita Sylën, e cila qëlloi me armë zjarri dhe plagosi Vali Corleonen në banesën ku bashkëjetonin. Vendimi u dha sot nga Gjykata e Gjilanit, ku u caktua paraburgim prej 30 ditësh. Në njoftim thuhet se 22-vjeçarja tentoi ta vrasë teksa çifti po qëndronin në dhomën e ndenjës. Ngjarja ndodhi në prani të personave të tjerë, ndërkohë që e reja e plagosi Corleonen në këmbën e djathtë.

“Ekziston dyshimi i bazuar se e pandehura në ambient familjar, në prezencë edhe personave të tjerë ka tentuar të privoj nga jeta tani të dëmtuarin P. C., në atë mënyrë që derisa kanë qenë duke ndenjur në dhomën e ndejës, ka shkrepë me armë zjarri – pistoletë duke goditur të dëmtuarin në këmbën e djathtë të këmbës, me ç’rast i shkakton dëmtime trupore dhe i njëjti detyrohet të kërkojë ndihmë mjekësore në Spitalin Regjional të Gjilanit.

Me këto veprime e pandehura dyshohet se ka kryer veprat penale, vrasje në tentativë dhe mbajtja në pronësi, kontroll ose posedim të paautorizuar të armëve, vepra të sanksionuara me Kodin Penal të Republikës së Kosovës (KPRK). Gjyqtari i procedurës paraprake ka konsideruar se janë plotësuar kushtet ligjore për caktimin e masës së paraburgimit ndaj të pandehurës, ngase masat tjera alternative do të ishin të pamjaftueshme për zhvillimin me sukses të procedurës penale. Palët kanë të drejtën e ankesës ndaj të këtij vendimi mbi caktimin e paraburgimit në Gjykatën e Apelit.”, thuhet në njoftim e vendimit të gjykatës.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb


Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published.