“Po ulërinin për ndihmë”, flet peshkatari që ndihmoi emigrantët në Kanalin Anglez. Zbulon kombësinë e tyre

po ulerinin per ndihme flet peshkatari qe ndihmoi emigrantet ne kanalin anglez zbulon kombesine e tyre
po ulerinin per ndihme flet peshkatari qe ndihmoi emigrantet ne kanalin anglez zbulon kombesine e tyre

14:24 14/12/2022

Një peshkatar, ekuipazhi i të cilit shpëtoi 31 persona në ujërat e Kanalit Anglez, tha se e kuptuan që emigrantët kishin rrethuar varkën e tyre në orët e para të mëngjesit të sotëm, kur ata nisën të ulërinin për ndihmë.

Duke folur për Sky News, Skipper Raymond tha se po flinte kur u zgjua nga një anëtar i ekuipazhit, i cili i tha se “na kanë rrethuar varkën emigrantët”.

Raymond tha se kishte numëruar 45 persona që po mbaheshin në gomonen e përmbysur në ujë.

“Ngjante si një skenë nga filmat e Luftë së Dytë Botërore. Kishte njerëz gjithandej në ujë që bërtisnin”, tha peshkatari, i cili rrëfeu se bashkë me ekuipazhin e tij, për 2 orë me radhë u përpoqën të shpëtonin emigrantët duke i nxjerrë nga uji.

Ai po ashtu tha se në mesin e atyre që kishte shpëtuar, kishte emigrantë nga Afganistani, Iraku, Senegali dhe India dhe se i kishin rrëfyer se secili prej tyre i kishte dhënë 5 mijë Paund një trafikanti në Francë në mënyrë që t’i çonte në Britani.

Një varkë e vogël u përmbys orët e para të kësaj të mërkure në afërsi të Kentit. Zyrtarisht autoritetet kanë konfirmuar vdekjen e 4 personave, ndërsa janë shpëtuar të paktën 43 persona. Disa prej tyre, në mesin e të cilëve edhe fëmijë e gra, mësohet se janë në gjendje të rëndë në spital.

Zyrtarisht autoritetet britanike nuk kanë dhënë informacion për kombësinë e emigrantëve. E dhëna e parë deri më tani është vetëm rrëfimi i peshkatarit Skipper Raymond./tvklan.al

Burimi informacionit @TvKlan: Lexo me shume ne : www.botasot.al

Spread the love

Similar Posts