Policia britanike heton përdhunimin virtual në grup të një adoleshenteje nga të panjohur në metaverse

policia britanike heton perdhunimin virtual ne grup te nje adoleshenteje nga te panjohur ne metaverse

Policia britanike po heton një rast që përfshin përdhunimin e supozuar të avatarit të një adoleshenteje (personazh dixhital të personalizuar) nga të panjohur në një lojë realiteti virtual.

Sipas euronews, është hera e parë që një hetim i tillë kryhet për një sulm seksual në “metaverse” dhe ka pasur reagime nga njerëz që besojnë se autoritetet duhet të merren vetëm me krime “reale” dhe jo “virtuale”.

Siç sqaron publikimi, viktima, e cila në momentin e sulmit ishte e lidhur me universin virtual me një kufje, nuk ka pësuar asnjë dëmtim fizik.

Autoritetet britanike nuk dhanë detaje të mëtejshme për rrethanat në të cilat ndodhi sulmi në metavers, për të mbrojtur privatësinë e vajzës së mitur.

Edhe pse adoleshentja nuk ka përjetuar abuzim fizik, burimet policore thonë se ajo mund të ketë pësuar trauma psikologjike të krahasueshme me atë të një viktime përdhunimi në jetën reale.

“Ka efekte emocionale dhe psikologjike mbi viktimën që mund t’i ndikojë për shumë më gjatë se çdo lëndim fizik”, tha një oficer i lartë i policisë për Daily Mail.

Megjithatë, autoritetet britanike janë të shqetësuara se sipas ligjit aktual, i cili përkufizon sulmin seksual si “prekje fizike” jo-konsensuale në një mënyrë seksuale, ndjekja penale e të dyshuarve (nëse ata përfundimisht identifikohen) mund të jetë e pamundur.

Hetimi ka tërhequr kritika nga qytetarët që besojnë se policia nuk duhet t’i kushtojë burime dhe kohë hetimit të krimeve virtuale, ndërkohë që rastet e përdhunimeve në jetën reale vazhdojnë të rriten.

Megjithatë, Sekretari i Brendshëm i Mbretërisë së Bashkuar James Cleverley e ka bërë të qartë se ai e konsideron hetimin të rëndësishëm. “Unë e di se është e lehtë të hedhësh poshtë premisën si joreale, por e gjithë thelbi i këtyre mjediseve virtuale është se ato janë tepër realiste,” tha ai.

Duke nënvizuar se viktima është një vajzë e mitur që ka përjetuar trauma seksuale, Cleverly foli për efekte të rënda psikologjike që kërkojnë trajtim të kujdesshëm nga autoritetet. “Ne duhet të kuptojmë se dikush që është i gatshëm t’i shkaktojë një fëmijë një traume të tillë në mënyrë dixhitale, në të ardhmen mund të bëjë gjëra të tmerrshme në jetën reale.”

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb

Burimi informacionit @BalkanWeb: Lexo me shume ne : bota sot www.botasot.al

Spread the love

Similar Posts