Presidenti ekuadorian Guillermo Lasso shpalli një gjendje të jashtëzakonshme 60-ditore në tre rajonet e vendit të trazuar nga dhuna.
“Ne vendosëm të shpallim gjendje të jashtëzakonshme dhe shtetrrethim nga ora 22:00 deri në 5 të mëngjesit në provincat Manabi dhe Los Rios, dhe në kantonin Duran në provincën Guayas”, njoftoi Lasso në mediat sociale.
Dekreti, i cili do të hyjë në fuqi menjëherë, erdhi pasi Agustin Intriago, kryebashkiaku i qytetit bregdetar të Mantës, u vra të dielën në një sulm të armatosur.
Lasso bëri thirrje për një takim me autoritetet lokale dhe Këshillin e Sigurimit për të diskutuar se si të trajtohet rritja e dhunës, veçanërisht përgjatë bregdetit, i cili ka dëshmuar një sërë të shtënash në muajt e fundit.
Burimi informacionit @BalkanWeb: Lexo me shume ne : bota sot www.botasot.al
