Presidenti Zelensky i zhgënjyer nga Izraeli

1238900788

13:15 25/09/2022

Nuk ndalen protesta kundër mobilizimit në Rusi, qindra të arrestuar

Ndërsa trupat ushtarake ukrainase vijojnë të luftojnë me ato ruse, për Kievin furnizimi me armë është jetik. Presidenti Volodimir Zelenksi ka bërë  thirrjet për armatime të reja menjëherë pas shpërthimit të luftës në Shkurt, por jo të gjitha shtetet kanë qenë të gatshme për të ndihmuar. Presidenti ukrainas është shprehur “i tronditur” nga fakti se Izraeli nuk po ofron sistemet  antiraketë për Kievin për t’i bërë ballë sulmeve ruse.

“Nuk e di se çfarë ka ndodhur me Izraelin. Sinqerisht, jam në shok sepse nuk e kuptoj pse nuk mund të na ofrojnë mbrojtje ajrore”, u shpreh Zelenski.

Nga ana tjetër në Rusi njoftimi për mobilizim të pjesshëm të ushtrisë ka bërë që protestat në vend të shpërthejnë. Qindra njerëz janë arrestuar nga autoritetet ndërsa protestat vijojnë në të gjithë vendin. Lidhur me këtë çështje lideri ukrainas e cilëson mobilizimin ushtarak si kriminal dhe shton se kreu i Kremlinit po i dërgon qytetarët rusë me vetëdije për të vdekur në këtë luftë.

Media BBC raporton se 724 persona janë arrestuar në 32 qytete të ndryshme të shtunën. Por protestat janë të paligjshme në Rusi.

Diku tjetër, të rinj të tjerë rusë vazhdojnë të largohen nga vendi. Në kufirin me Gjeorgjinë, radhët e makinave ruse shtrihen më shumë se 30 km dhe Ministria e Brendshme u ka kërkuar njerëzve të mos udhëtojnë.

Zyrtarët lokalë rusë kanë pranuar se ka pasur një fluks të konsiderueshëm makinash që përpiqen të kalojnë me gati 2,500 automjete që presin në një pikë kontrolli.

Klan News

Të ngjashmeBurimi informacionit @TvKlan: Lexo me shume ne : www.botasot.al

Spread the love

Similar Posts