Princesha Latifa e Dubait shfaqet në foto misterioze

18:20 23/05/2021

Nuk dihet vendndodhja. Ka akuzuar të atin se e mban peng

Kjo foto e postuar në Instagram rishfaq pas disa muajsh mungese në publik, princeshën e Dubait, Latifa Al-Maktum. BBC shkruan se fotoja ku 35-vjeçarja shfaqet në një restorant mes dy mikeshave të saj, që nuk i ka identifikuar publikisht është publikuar në të dy llogaritë e tyre në Instagram.

Ato nuk i janë përgjigjur kërkesës së medias britanike për informacione. Në të njëjtën ditë, një foto e princeshës Latifa është shfaqur edhe në një tjetër llogari në të njëjtin rrjet social. Grupet e aktivistëve që kërkojnë lirimin e princeshës së Dubait vërtetojnë se është pikërisht ajo, që shfaqet në këto foto, por vendndodhja është ende e panjohur.

Në Shkurt, BBC publikoi një video-mesazh të saj, të cilin e kishte postuar në mënyrë të fshehur nga pallati mbretëror në Dubai. Ajo shprehej se mbahej peng nga i ati, sheiku Mohamed bin Rashid al Maktum, sundimtar i Dubait.

Latifa është një nga 25 fëmijët e tij dhe pretendon se nuk lejohet nga babai prej vitit 2000 të largohet nga vendi dhe ushtria ka ndërhyrë për të penguar disa tentativa të saj për t’u arratisur jashtë Emirateve.

Tv Klan

Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *