Ministri i Mbrojtjes së Kosovës, Armend Mehaj ka zbuluar sot detaje nga biseda telefonike me shefen e Zyrës Ndërlidhëse të Republikës së Greqisë në Kosovë, Chryssoula Aliferi.
Mehaj pohon se i ka shprehur gatishmërinë për të mbështetur institucionet greke për tejkalimin e situatës së krijuar nga zjarret. Vlen për t’u theksuar se së fundmi Greqia ka dhënë shenja për njohjen e pavarësisë së Kosovës.
MESAZHI I MEHAJT
Në bisedën e sotme telefonike me shefen e Zyrës Ndërlidhëse të Republikës së Greqisë në Kosovë, Chryssoula Aliferi, i shpreha gatishmërinë dhe vullnetin tonë të plotë për të mbështetur institucionet greke me aftësitë dhe kapacitetet tona operacionale në disponim për menaxhimin, tejkalimin dhe sanimin e gjendjes së krijuar nga zjarret e ditëve të fundit.
Kërcënimet dhe rreziqet nga faktorët e ndryshëm në realitetin e sotëm, përcaktojnë faktin se, fryma e bashkëpunimit rajonal në parandalimin, menaxhimin, reagimin dhe rimëkëmbjen pas pasojave të tyre, është nevojë e pashmangshme për të gjitha vendet e rajonit tonë dhe më gjerë.
Burimi informacionit @BalkanWeb: Lexo me shume ne : www.botasot.al
