22:17 16/06/2023
Rrjetet sociale WhatsApp, Instagram dhe Facebook, të gjitha pjesë e kompanisë Meta, kanë shfaqur probleme mbrëmjen e sotme.
Përdoruesit në të gjithë botën janë ankuar për mosfunksionalitet të komandave të caktuara të tyre.
Kompania Meta reagoi pas ankesave të përdoruesve, duke pranuar se kishte një mosfunksionim me menaxhimin e reklamave.
“Jemi në dijeni që disa përdorues kanë probleme aksesi. Po punojmë për t’i kthyer gjërat në normalitet sa më shpejt që të jetë e mundur”, thuhej në reagimin e kompanisë.
Më shumë se 15 mijë përdorues shfaqën ankesa për probleme me aksesin në këto 3 rrjete sociale. /tvklan.al
