Protesta kundër homofobisë në Poloni

13:06 20/06/2021

Konservatorët fetarë janë shprehur se grupet LGBT po përmbysin vlerat tradicionale të kombit

Mijëra njerëz marshuan përmes Varshavës qendrore në “Paradën e Barazisë” duke kërkuar fund të diskriminimit ndaj komunitetit LGBT, midis asaj që aktivistët thonë se ka qenë një valë në rritje e homofobisë në Poloni vitet e fundit. Të drejtat LGBT janë bërë një pjesë qendrore e një lufte më të gjerë në vend midis liberalëve, të cilët theksojnë nevojën për një shoqëri më tolerante dhe gjithëpërfshirëse, dhe konservatorëve fetarë, të cilët denoncojnë atë që ata thonë se është një përpjekje për të përmbysur vlerat tradicionale në kombin mbizotërues katolik.

Me flamuj e ylberit, simboli i komunitetit LGBT, marshuesit u mblodhën jashtë Pallatit të Kulturës neo-Gotik në Varshavën qendrore, ndërsa një DJ luante muzikë nga një skenë përpara fillimit të marshimit.

Si politikanët ashtu edhe klerikët janë akuzuar për nxitje të homofobisë në Poloni. Disa konservatorë thonë se nuk kanë asgjë kundër personave homoseksualë por ata vetëm kundërshtojnë atë që ata e quajnë “ideologji LGBT”. Ndërkohë, në Hungari qeveria nacionaliste e Kryeministrit Viktor Orban, ka prezantuar një ligj të ri që ndalon shfaqjen dhe promovimin e homoseksualitetit midis moshave nën 18 vjeç.

Klan News

Të ngjashme Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *