Protesta masive në Spanjë: Modeli i turizmit masiv po shkatërron ishullin dhe jetën e banorëve

protesta masive ne spanje modeli i turizmit masiv po shkaterron ishullin dhe jeten e banoreve
protesta masive ne spanje modeli i turizmit masiv po shkaterron ishullin dhe jeten e banoreve

SPANJE

Mijëra njerëz protestuan të shtunën (20 prill) në Tenerife, duke bërë thirrje që ishulli spanjoll të kufizojë përkohësisht ardhjet e turistëve për të frenuar një bum në qiratë e pushimeve afatshkurtra dhe ndërtimin e hoteleve që po rrit kostot e strehimit për vendasit.

Duke mbajtur pankarta me shkrimin “Njerëzit jetojnë këtu” dhe “Ne nuk duam të shohim ishullin tonë të vdesë”, demonstruesit thanë se duhet të bëhen ndryshime në industrinë e turizmit që përbën 35% të prodhimit të brendshëm bruto (PBB) në arkipelagun e Ishujve Kanarie.

Organizatat thonë se autoritetet vendore duhet të kufizojnë përkohësisht numrin e vizitorëve për të lehtësuar presionin mbi mjedisin, infrastrukturën dhe stokun e banesave të ishujve si dhe për të frenuar blerjet e pronave nga të huajt.

Në mesin e protestuesve ishin edhe gjashtë persona në grevë urie, të cilët morën pjesë në tubim me karrige me rrota. Ata janë futur në grevë kundër një projekti ndërtimi hoteli në plazhin e La Tejita, në jug të ishullit të Tenerife. E shtuna ishte dita e 10-të e tyre në grevë urie.

“Nuk është një mesazh kundër turistit, por kundër një modeli turizmi që nuk i sjell dobi kësaj toke dhe duhet ndryshuar”, shtoi një banori i Tenerifes.

Autoritetet në ishuj janë të shqetësuar për ndikimin tek vendasit. Një projektligj që pritet të miratohet këtë vit, i cili ashpërson rregullat për lejet e shkurtra, vjen pas ankesave të banorëve me çmime jashtë tregut të banesave.

Presidenti i Ishujve Kanarie Fernando Clavijo tha të premten (19 prill) se ai ndihej “krenar” që rajoni ishte një destinacion kryesor turistik spanjoll, por pranoi se nevojiteshin më shumë kontrolle ndërsa sektori vazhdon të rritet.

Vizitorët e huaj në Ishujt Kanarie, një arkipelag prej 2.2 milionë banorësh, arritën në 13.9 milionë në vitin 2023, 13.1% më shumë se në vitin 2022, sipas të dhënave zyrtare.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb

Burimi informacionit @BalkanWeb: Lexo me shume ne : bota sot www.botasot.al

Spread the love

Similar Posts