Provokon Erdogan, hap “qytetin e ndaluar” në Qipro dhe u vë kusht grekëve: Njihni popullsinë turke nëse doni të merrni pronat

Presidenti turk Rexhep Tajip Erdogan në lëvizjen e tij të fundit provokuese njoftoi hapjen e pjesshme të Famagusta gjatë vizitës së tij zyrtare në Qipro.

Ai sqaroi se 3.5% e qytetit që ishte një zonë e militarizuar po hapet, ndërsa ai ftoi grekët qipriotë të marrin përsëri pronat e tyre. Sipas TV SKAI, zona do të çmilitarizohet dhe pronat do t’u kthehen pronarëve të tyre përmes Komisionit që ata kanë ngritur.

Njoftimi ka të bëjë me një zonë shumë të vogël të qytetit të okupuar, duke mbuluar disa shtëpi, megjithatë, siç u deklarua nga udhëheqësi i pjesës së pushtuar të Qipros, Ersin Tatar dhe Erdogan, është fillimi i një jete të re në Varosha. Presidenti turk argumentoi se hapja e zonës do të bëhej duke respektuar të drejtat e pronarëve.

Gjatë fjalës së tij, presidenti turk, në prani të udhëheqësit qipriot turk, Ersin Tatar, u bëri thirrje grekëve qipriotë që të aplikojnë në komisionin e ngritur nga Pseudo-shteti për të marrë përsëri pronat e tyre, me kusht që ata të njohin turqit qipriotë administrata.

Duke iu referuar grekeve qipriotë,  Erdogan tha se “edhe sot ne shohim disa njerëz që dëshirojnë masakra si ato që ndodhën para vitit 1974”. Qipriotët grekë “nuk janë të sinqertë me ne”, shtoi ai.

(BallkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *