Publikohen pamjet, ja momenti kur dy trenat përplasen në Egjipti, ku mbetën të vrarë dhjetëra persona dhe mbetën të plagosur qindra të tjerë (VIDEO)

Pamjet nga kamerat e sigurisë kanë fiksuar momentin tronditës kur dy trena pasagjerësh përplasen në Egjiptin jugor, duke lënë të paktën 32 të vdekur dhe rreth 100 të plagosur, ndërsa vagonët e shumtë dolën nga shinat dhe u kthyen përmbys.

Mediat e huaja shkruajnë se përplasja ndodhi në provincën Sohag, 285 milje në jug të Kajros. Raportohet se persona të paidentifikuar kanë tërhequr frenin e urgjencës në një tren të drejtuar nga Luxor për në Aleksandri, duke bërë kështu që ai të ndalonte në shina.

Si pasojë, një tren i dytë që shkonte nga Aswan në Kajro, më pas u përplas në të nga mbrapa, duke bërë që të paktën dy vagonë të dilnin nga shinat. Të paktën 100 njerëz kanë mbetur të plagosur nga përplasja e fuqishme që terrorizoi një botë të tërë.

Presidenti Abdel-Fattah tha se ai po vëzhgon situatën dhe se personat përgjegjës do të mbajnë përgjegjësi.

“Kushdo që e shkaktoi këtë aksident tragjik, qoftë nga neglizhenca, korrupsioni ose arsye të tjera, do të përballet me një ndëshkim pa asnjë përjashtim, ngurrim ose shtyrje”, ka shkruar ai në faqen e tij në Facebook.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *