Publikohet fotoja tronditëse e 14-vjeçares së vdekur në Afganistan pasi u shkel nga…

19:38 19/08/2021

Familja e një vajze 14-vjeçare të vrarë në rrëmujën e Aeroportit tw Kabulit kanë publikuar fotografinë tronditëse të trupit të saj të mbuluar për të treguar gjendjen e dëshpëruar të afganëve.

Nxënësja e shkollës së mesme Marzia Rahmati ëndërronte për një jetë të re jashtë Afganistanit me prindërit dhe vëllezërit e motrat e saj më të vegjël, pasi familja kishte siguruar viza për të udhëtuar në Taxhikistanin, ku kishin të afërm.

Marzia besohet të jetë një nga viktimat më të reja që kanë vdekur nga trazirat në Aeroportin e Kabulit që kur talebanët morën kontrollin.

Por kur turmën e kapi paniku nga zhurma e të shtënave me armë të hënën, vetëm disa orë pasi talebanët pushtuan Kabulin, Marzia u nda nga prindërit e saj dhe ra në tokë, duke pësuar lëndime të shumta të brendshme ndërsa u shkel me këmbë.

Halla e saj, Zakia Ahmadi, 28 vjeç, tha se familja ishte “e shkatërruar” për vdekjen e saj dhe u shpreh: Ne duam që njerëzit të shohin se çfarë po ndodh vërtet këtu tani, një vajzë e vogël ka vdekur sepse bota u largua nga ne. Motra ime Fatima, nëna e Marziës dhe familja e saj donin që vajza e tyre të vazhdonte shkollimin e saj dhe ishin të shqetësuar se nuk do të ishte e mundur nën talebanët.

Ata kishin të gjitha dokumentet e duhura për të lënë vendin, por me gjithë kaosin në aeroport, ata nuk kishin një shans.  

Babai i Marzia Mustafas dhe nëna e saj po mbronin dy fëmijët e tyre më të vegjël, një djalë dhe një vajzë kur njerëzit filluan të vraponin dhe Marzia u nda prej tyre dhe u rrëzua në nxitim.

Kur babai i saj arriti tek ajo, mezi ishte gjallë dhe ai e mbajti atë në krahë për një kohë të gjatë para se të merrnin ndihmë mjekësore.

“Ajo mori shumë mavijosje dhe kishte gjakderdhje të brendshme. Në spital ata i vunë pambuk për të thithur gjakun nga hunda dhe goja e saj, por ajo vdiq menjëherë pasi mbërriti atje.”

Nëna e Marziës, Fatima, 32 vjeç, u plagos gjithashtu nga përplasja, por më vonë doli nga spitali.

Gjithsej të paktën 12 persona janë vrarë në aeroportin e Kabulit që nga e diela, sipas një zyrtari taleban sot. /tvklan.al

Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *