Putin: Civilët duhet të evakuohen nga Kherson, “zona më e rrezikshme”

putin civilet duhet te evakuohen nga kherson zona me e rrezikshme
putin civilet duhet te evakuohen nga kherson zona me e rrezikshme

Vladimir Putin ka thënë se civilët në Kherson duhet të evakuohen pasi është zona me “operacione më të rrezikshme”, njoftoi agjencia shtetërore e lajmeve RIA.

Rusia deklaroi se kishte aneksuar rajonin në shtator dhe qyteti i Khersonit është qyteti më i madh ukrainas nën kontrollin e Moskës.

Megjithatë, forcat ukrainase kanë ndjekur prej kohësh një kundërofensivë për të rimarrë kontrollin.

“Tani, sigurisht, ata që jetojnë në Kherson duhet të largohen nga zona e veprimeve më të rrezikshme, sepse popullsia civile nuk duhet të vuajë,” citoi RIA të ketë thënë zoti Putin gjatë një takimi me aktivistët pro-Kremlinit.

Javët e fundit ka pasur disa spekulime se Rusia mund të tërhiqet nga qyteti i Kherson.

Dje, një zyrtar i instaluar nga Rusia në Kherson tha se forcat e tyre “me shumë gjasa do të niseshin për në bregun e majtë” të lumit Dnipro, duke u bërë thirrje civilëve të evakuohen.

Muajin e kaluar autoritetet e instaluara nga Rusia në Kherson urdhëruan një evakuim “të menjëhershëm” mes paralajmërimeve për një kundërofensivë ukrainase – me mijëra që iknin përtej lumit Dnipro.

Kherson është strategjikisht i rëndësishëm dhe një objektiv kryesor për të dyja palët për shkak të lumit dhe portit të tij kryesor.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb


Burimi informacionit @BalkanWeb: Lexo me shume ne : www.botasot.al

Spread the love

Similar Posts