Qeveria e re, Basha mesazh urimi Kurtit: Si gjithnjë, unë dhe PD do të qëndrojmë fuqimisht në mbështetje të Kosovës

TIRANË

Kreu i PD-së Lulzim Basha i ka dërguar një mesazh urimi kryeministrit të sapozgjedhur të Kosovës Albin Kurti pas zgjedhjes së qeverisë së re. Basha shprehet në mesazhin e tij se suksesi i Kosovës është suksesi i Shqipërisë dhe i shqiptarëve kudo që ndodhen.

Lideri demokrat thekson se si gjithnjë në të kaluarën, të sotmen dhe në të ardhmen, ai dhe Partia Demokratike do të qëndrojnë fuqimisht në mbështetje të Kosovës dhe të qeverisë së saj.

“Urimet më të mira kryeministrit të ri të Kosovës z. Albin Kurti dhe qeverisë së drejtuar prej tij në përmbushjen me sukses të përgjegjësive dhe tejkalimin e sfidave me të cilat përballet Kosova. Suksesi i Kosovës është suksesi i Shqipërisë dhe i shqiptarëve kudo që ndodhen.
Urimet më të mira shkojnë sot dhe për deputetët e kuvendit të ri të Kosovës. Jam i bindur se forcat politike në Kosovë do të mund të gjejnë gjuhën e përbashkët për tejkalimin e pengesave, duke vënë mbi gjithçka interesin më të mirë të Kosovës dhe qytetarëve të saj.
Si gjithnjë në të kaluarën, të sotmen dhe në të ardhmen, unë dhe Partia Demokratike do të qëndrojmë fuqimisht në mbështetje të Kosovës dhe të qeverisë së saj me besimin e plotë se pas 25 prillit, do të bashkëpunojmë edhe më ngushtësisht për të përballuar së bashku çdo sfidë”, shkruan Basha.

Basha Fb
Basha Fb

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *