Raporti i ODIHR, ambasada e SHBA: Kemi mbajtur shënim, të shqyrtohen rekomandimet








MARIGLEN KUME/ Dy ditë pas publikimit të raportit, përmes një postimi në rrjetet sociale thuhet se selia diplomatike ka mbajtur shënimet e duhura dhe nga ana  tjetër nxit institucionet shqiptare që të shqyrtojnë me vëmendje raportin dhe rekomandimet në mënyrë që zgjedhjet e  ardhshme të jenë më të mira.

yuri

“Ne kemi mbajtur shënim Raportin Përfundimtar të ODIHR mbi zgjedhjet parlamentare të 25 prillit, i cili ndërtohet mbi bazën e raportit paraprak të 26  prillit. Nxisim të gjitha institucionet përkatëse që të shqyrtojnë raportin përfundimtar  dhe rekomandimet e tij për të përmirësuar më tej zgjedhjet në Shqipëri”, thuhet në reagimin e Ambasadës Amerikane.

MONITORIMI

Shtetet e Bashkuara të  Amerikës u kushtuan vëmendje të veçantë zgjedhjeve parlamentare në Shqipëri. Pavarësisht vështirësive të krijuara nga  pandemia e shkaktuar nga Covid-19, SHBA solli vëzhguesit e saj për zgjedhjet. Ndërkohë, në maj, muajin pasardhës pas zgjedhjeve, vëzhguesit dolën me një deklaratë mbi gjetjet. “Ndërsa kishte shumë aspekte pozitive të zgjedhjeve parlamentare të Shqipërisë, SHBA vërejti konstatimin e misionit vëzhgues të OSBE-së se partia në pushtet nxori përparësi të konsiderueshme nga detyra e saj, përfshirë përmes kontrollit të administratave lokale dhe  keqpërdorimit të burimeve administrative.

Ne gjithashtu vërejmë konstatimin e tyre se praktikat e përhapura të blerjes së votës mbetën një problem dhe ne përforcojmë shqetësimet mbi rrjedhjet e të dhënave personale të ndjeshme, duke përfshirë preferencat politike të votuesve. SHBA përsërit se zbatimi i ligjit dhe gjyqësori duhet të vërë para  përgjegjësisë çdo individ që shkeli ligjin dhe pengoi të drejtën e popullit të Shqipërisë për të votuar në zgjedhje të lira dhe të ndershme. Ne mirëpresim njoftimin e Gjykatës Speciale  Antikorrupsion (SPAK) për hetimet e krimeve zgjedhore”, theksohet në deklaratën e Rosenstock-Siller.

“SHBA  shpreson në raportin përfundimtar të ODIHR dhe inkurajon Shqipërinë të përdorë këtë  raport për të përmirësuar më tej proceset zgjedhore të saj. SHBA do të vazhdojë të punojnë me  qeverinë shqiptare dhe popullin shqiptar për të forcuar më  tej bashkëpunimin tonë në demokraci, mbrojtje dhe tregti”, përfundonte deklarata.

© Panorama.al Burimi informacionit @Panorama.al: Lexo me shume: www.botasot.al

Spread the love

Similar Posts

Leave a Reply

Your email address will not be published. Required fields are marked *