17:54 22/06/2021
I nxehti pushton Evropën, ekspertët: Pasojë e ngrohjes globale
I gjithë kontinenti evropian po përballet me një valë temperaturash të larta këto ditë, që pritet të zgjasë gjithë javën. Vëmendje në këtë situatë, ka tërhequr më shumë Moska termometri shënoi 34.7 gradë celsius, një temperaturë e paarritur prej 120 vitesh për muajin qershor. Qytetarët u dyndën drejt liqeneve, pishinave e shatërvanëve për t’u freskuar.
Temperatura mbi 30 gradë celsius, këto ditë janë shënuar edhe në vende të tjera të veriut të kontinentit, si në Gjermani, Poloni, Çeki e Austri.
Vapë përvëluese edhe në jug. Deri në 38 gradë arrijnë këto ditë temperaturat në jug të Italisë. Kulmi për qershorin pritet të arrihet gjatë 48 orëve në vazhdim, kur termometri mund të shënojë deri 42 gradë celsius.
Ekspertët thonë se temperatura të tilla, zakonisht arrihen gjatë Korrikut, por kjo rritje e parakohshme i atribuohet ngrohjes globale.
Tv Klan
Burimi informacionit @TvKlan: Lexo me shume ne : www.botasot.al
