Rekord me 300 mijë infektime ditore në SHBA

12:29 08/09/2021

Shtretërit ne terapinë intensive pranë ezaurimit

Shtetet e Bashkuara shënuan një rekord të ri ditor për gjithë periudhën e pandemisë. 24-orëshin e fundit, 300 855 persona rezultuan pozitivë në testime, 78 më shumë se rekordi i mëparshëm i regjistruar më 8 Janar.

Infektimet e reja shtrihen kryesisht në shtetet federale jugore, si Teksas e Florida. Autoritetet thonë se shtimi i infektimeve ka shkaktuar dyndje pacientësh në spitale, numri i të cilëve është pranë rekordeve të valës së kaluar të dimrit kur u shënuan mbi 140 mijë të shtruar. Gati 80% e shtretërve të terapisë intensive janë të zëna.

Edhe numri i vdekjeve është rritur, megjithatë mesatarja viktimave është sa gjysma e valës së kaluar, falë vaksinimit masiv të popullsisë që ka kapërcyer mbi 60% të të rriturve. Shtetet e Bashkuara numërojnë mbi 40 milionë të prekur nga COVID më mbi 1 vit e gjysmë pandemi.

Rritje infektimesh ka edhe në Britaninë e Madhe, ndërsa në vendet e Bashkimit Europian ruhet tendenca rënëse.

Tv Klan


Të ngjashme Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *