Rëndohet situata nga zjarret në Itali/ Kalabria dhe Sicilia vazhdojnë të digjen, flakët shkrumbojnë qindra shtëpi, mbërrijnë avionët kanadezë të dërguar në Greqi

Kalabria dhe Sicilia vazhdojnë të digjen, me dhjetëra zjarre ende aktivë, të nxitur nga temperaturat përvëluese të sjella nga anticikloni afrikan. Në 24 orët e fundit, zjarrfikësit kanë kryer 528 ndërhyrje në përpjekje për të shuar flakët në dy rajonet ndërkohë që forca të tjera po mbërrijnë nga Franca, të angazhuar ditët e fundit në Greqi.

Repo

Tre avionët kanadezë dhe francezë të cilët janë angazhuar në Greqi për të shuar zjarret do të mbërrijnë në Itali “përmes mekanizmit të mbrojtjes civile, në përgjigje të kërkesës së Romës për të shuar zjarret në vend”.

Në Kalabri flakët po shkatërrojnë zonat Reggino, Catanzarese dhe Cosentino. Situata më serioze midis Cimuni di San Luca, Cardeto, Roghudi, Roccaforte del Greco, Mammola, Gioiosa Jonica, Grotteria, San Giovanni di Gerace, Caulonia dhe Cittanova. Disa qendra janë evakuuar dhe disa shtëpi rurale janë shkatërruar nga flakët. Presidenti i Rajonit Nino Spirlì foli për 59 zjarre ende aktivë dhe 70 ekipe shpëtimi aktive në zonë.

Z1

Qindra hektarë gjelbërim, ullishte dhe pemishte u mbytën në tym dhe mijëra kafshë vdiqën dhe kryebashkiaku metropolitan i Reggio Calabria Giuseppe Falcomatà i kërkoi kryeministrit Mario Draghi të shkonte në Kalabri më 15 gusht për të verifikuar gjendjen katastrofike në të cilën territori të shtypur nga zjarret .

Në Sicili flakët kanë pushtuar Madonie, në zonën e Polizzi Generosa, ku 150 persona janë evakuuar. Një zonë e madhe e pyllëzuar në Linguaglossa (Catania), afër parkut Etna, u shkrumbua nga flakët, të cilat shkatërruan fermat dhe shtëpitë e fermave.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *