Ministri çek i Punëve të Jashtme Jan Lipavský ka bërë thirrje për krijimin e menjëhershëm të një gjykate të posaçme ndërkombëtare për të ndëshkuar Federatën Ruse për krimet e luftës të kryera në Ukrainë.
Deklarata përkatëse është bërë nga ministri i Jashtëm çek Jan Lipavský në Twitter.
Sipas Lipavský, Rusia la pas varrezat masive të qindra njerëzve të pushkatuar dhe torturuar në zonën e Izium. Në shekullin e 21-të, sulme të tilla kundër civilëve janë “të paimagjinueshme dhe të neveritshme”, theksoi Lipavský.
“Nuk duhet ta anashkalojmë. Ne qëndrojmë për dënimin e të gjithë kriminelëve të luftës. Unë bëj thirrje për ngritjen e shpejtë të një gjykate të posaçme ndërkombëtare që do të ndjekë penalisht krimin e agresionit,” vuri në dukje Lipavský.
Një kujtesë se, sipas Ministrisë së Punëve të Brendshme të Ukrainës, numri i civilëve ukrainas të vrarë nga trupat ruse në rajonin e Kharkiv mund të jetë dukshëm më i lartë se ai në Bucha të rajonit të Kievit.
Burimi informacionit @BalkanWeb: Lexo me shume ne : www.botasot.al
