Rikthehet paqja mes SHBA dhe Bashkimit Evropian

20:40 31/10/2021

Marrëveshja për të pezulluar tarifat e çelikut dhe aluminit thanë Biden e Von der Leyenshënon një moment historik në partneritetin e rinovuar BE-SHBA. “Kjo është një ndër iniciativat për të arritur dekarbonizimin e prodhimit dhe tregtisë globale të çelikut”, tha von der Leyen.

Ajo e konsideroi ujdinë me Biden si një hap i madh, përpara në luftën kundër ndryshimeve klimatike një marrëveshje e hapur për të gjithë partnerët me mendje të njëjtë.

“Prodhimi i çelikut është një nga burimet më të larta të emetimit të karbonit globalisht ndaj që konsumi dhe tregtia e çelikut të jenë të qëndrueshme, ne duhet të trajtojmë intensitetin e karbonit të industrisë”, tha kreu i Komisionit Evropian. Brukseli do të pezullojë tashmë tarifat që kishte vendosur në shenjë reciprociteti ndaj amerikanëve. Edhe Biden përshëndeti lehtësimin e tarifave të çelikut dhe aluminit që shënon fundin e një lufte të gjatë tregtare me Bashkimin Evropian, betejë e nisur nga paraardhësi i tij, Donald Trump.

Nga Roma, Biden tha se ky akt ishte një “testament për fuqinë e partneritetit të fortë dhe dëshmi për atë që SHBA mund të arrijë duke punuar së bashku me miqtë evropianë”.

Trump i miratoi tarifat në vitin 2018, duke pretenduar se importet e huaja dëmtonin sigurinë kombëtare. Bashkimi Evropian u kundërpërgjigj me tarifat e saj për produktet amerikane, duke përfshirë motoçikletat Kentucky Bourbon dhe Harley Davidson. Pavarësisht këtij entuziazmi të shfaqur në Romë zyrtarët amerikanë deklaruan se tarifat do të lehtësoheshin, por jo të hiqen plotësisht.

Vetëm disa sasi të aluminit dhe çelikut evropian tani do të lejohen të hyjnë në SHBA pa tarifa. Biden tha se së bashku të dyja palët do të trajtojnë mënyra për të reduktuar intensitetin e karbonit të prodhimit të çelikut dhe se marrëveshja e re dëshmon se si duke shfrytëzuar fuqinë diplomatike dhe ekonomike të SHBA-ve mund të hidhet poshtë ideja e rreme se nuk mund të rritet ekonomia dhe të mbështeten punëtorët amerikanë ndërsa me partnerët ndërkombëtarë trajtohet çështja e krizës klimatike.

Këto marrëveshje sipas kreut të Shtëpisë së Bardhë do të ngrenë lart aluminin dhe çelikun e SHBA-së, duke kufizuar aksesin në tregjet ndërkombëtare për çelikun e ndotur nga vende si Kina.

Klan News

TĂ« ngjashmeBurimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published.