Rikthehet pas 6 vitesh/ Sonte trofeu “Berluskoni”, Juventusi sfidon Monzën








Pas 6 vitesh mungesë, mbrëmjen e sotme do të rikthehet në skenë trofeu “Luixhi Berluskoni”.

trofeo-berlusconi-2021-dove-vederlo-1280x720

Nga viti 1991 e deri më 2015-ën kjo sfidë në nder të babait të Silvio Berkluskonit ishte antipasta e luksit përpara startit të çdo sezoni të Serisë A, por pasi shitën Milanin dhe tashmë kanë vendosur që të blejnë Monzën, me të cilën do të tentojnë të njëjtin udhëtim si me “Djallin”, ish-kryeministri italian ka vendosur që të rikthejë sërish duelin kundër Juventusit, ndonëse në të kaluarën të ftuar të tjerë kanë qenë edhe Interi, Reali i Madridit, Bajerni i Mynihut dhe San Lorenco.

Prandaj, mbrëmjen e sotme, në orën 21:00, në stadiumin “U-Power” të Monzës, skuadra e Xhovani Stropës do të luajë kundër bardhezinjve të të rikthyerit Masimiliano Alegri.

Ky do të jetë një ritakim shumë i bukur duke kujtuar se Konti Maks e ka luajtur 3 herë këtë trofe, por si trajner i Milanit, duke fituar vetëm një herë (në 2011-ën me rezultatin 2-1), por në 2010-ën dhe 2012-ën e pa veten të mundur pikërisht përballë Juventusit, skuadra që tashmë ai drejton.

Kujtojmë që rregullorja e këtij trofe nënvizon se në rast barazimi pas kohës së rregullt do të shkohet direkt te goditja e penalltive.

TROFEU BERLUSKONI LIBRI I ARTE

PANORAMASPORT.AL

© Panorama.al Burimi informacionit @Panorama.al: Lexo me shume: botasot.al

Spread the love

Similar Posts

Leave a Reply

Your email address will not be published. Required fields are marked *