Rindërtimi i shkollës shqipe në Malin e Zi, Meta falënderon Abazoviç: Kontribut për forcimin e identitetit tonë kombëtar

rindertimi i shkolles shqipe ne malin e zi meta falenderon abazovic kontribut per forcimin e identitetit tone kombetar
rindertimi i shkolles shqipe ne malin e zi meta falenderon abazovic kontribut per forcimin e identitetit tone kombetar

Kreu i Partisë së Lirisë, Ilir Meta ka falënderuar kryeministrin e Malit të Zi dhe institucioneve malazeze për rindërtimin e shkollës së gjuhës shqipe në fshatin Dacaj në Rozhajë.

në një postim në rrjetin social Facebook, Meta shkruan se rihapja e shkollës shqipe në Rozhajë do të japë kontribut në forcimin e identitetit tonë kombëtar dhe padyshim më shumë kuptim ëndrrave dhe së ardhmes së fëmijëve shqiptarë të kësaj treve.

“Rindërtimi i shkollës së gjuhës shqipe në fshatin Dacaj në Rozhajë të Malit të Zi është një lajm shumë i gëzuar.

Së bashku me urimin për një vit të mbarë shkollor, jam i lumtur që më në fund fëmijët me kombësi shqiptare të kësaj treve patriotike do të rikthehen në bankat e shkollës për të mësuar me dashuri gjuhën, kulturën dhe historinë kombëtare.

Një falenderim për Kryeministrin Abazoviç dhe institucionet e Malit të Zi që i dhanë sërish jetë kësaj vatre shumë të rëndësishme arsimore për shqiptarët atje dhe e realizuan këtë kërkesë time të hershme.

Rihapja e shkollës në gjuhën shqipe në Rozhajë jam i bindur se do të japë kontribut në forcimin e identitetit tonë kombëtar dhe padyshim më shumë kuptim ëndrrave dhe së ardhmes së fëmijëve shqiptarë të kësaj treve. Ndaj mezi po pres të rikthehem sërish në Dacaj!”, ka shkruar Meta.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb


Burimi informacionit @BalkanWeb: Lexo me shume ne :bota sot www.botasot.al

Spread the love

Similar Posts