Rregulla më të ashpra për të marrë vizë në Britaninë e Madhe

rregulla me te ashpra per te marre vize ne britanine e madhe

rregulla me te ashpra per te marre vize ne britanine e madhe

10:49 05/12/2023

Qeveria britanike synon të ulë numrin e emigrantëve të huaj përpara zgjedhjeve të ardhshme

Emigracioni mbetet një nga çështjet që shqetëson më shumë qeverinë britanike. Në përpjekje për të ulur numrin e emigrantëve  qeveria e kryeministrit Rishi Sunak ka prezantuar masa më të ashpra që do ta bëjnë më të vështirë marrjen e vizave për azilkërkuesit.

Sipas rregullave të reja, emigrantët do të duhet të fitojnë më shumë të ardhura për të marrë një vizë pune dhe do ta kenë më të vështirë të sjellin anëtarët e familjes në Mbretërinë e Bashkuar.

Nisur nga pranvera e vitit 2024, emigrantët do të duhet të fitojnë 38,700 paund për të marrë një vizë për punëtorë të kualifikuar, nga 26,200 paund që është tani. Duke filluar nga janari, shumica e studentëve të huaj të diplomuar gjithashtu nuk do të mund të sjellin më  familjarë të tyre.

Edhe punonjësit e huaj në sektorin e shëndetësisë dhe kujdesit social nuk munden të tërheqin të afërmit në Britani. Kjo lëvizje e rradhës e qeverisë britanike ka shtuar shqetësimet, pasi shumë persona kërkojnë të shkojnë në Britani, për mundësi më të mira ekonomike.

Ishte Sekretari i Brendshëm James Cleverly i cili tha se numri i emigrantëve duhet të zvogëlohet dhe se deri më tani ka pasur abuzim të vizave. Këtë të martë Cleverly ndodhet në Ruandë, për nënshkrimin e një traktati të ri për planin e qeverisë për azilin. Plani i mëparshëm për të dërguar në Ruandë azilkërkuesit u pengua nga Gjykata e Lartë, e cila e quajti atë të paligjshëm.

Mbretëria e Bashkuar tashmë i ka paguar qeverisë së Ruandës 140 milion paund për skemën, por asnjë emigrant ende nuk është dërguar atje.

Emigracioni po rezulton të jetë një çështje e rëndësishme përpara zgjedhjeve të ardhshme të përgjithshme, të cilat priten në 2024.

Klan News


Të ngjashmeBurimi informacionit @TvKlan: Lexo me shume ne :bopta sotwww.botasot.al

Spread the love

Similar Posts