Rrija e rasteve të infektimeve, kryeministri i Kosovës, Hoti: Ende në fuqi masat COVID-19

Pavarësisht rritjes së numrit të të infektuarve me koronavirus, kryeministri në detyrë i Kosovës, Avdullah Hoti ka thënë do të vazhdojnë të zbatohen masat e njëjta për luftim të pandemisë së koronavirusit. Ai i ka bërë këto komente pas një takimi me ministrin në detyrë të Shëndetësisë Armend Zemaj, drejtorin e Institutit të Shëndetësisë Publike në Kosovë, Naser Ramadani dhe drejtorin e Shërbimit Spitalor Klinik Universitar Valbon Krasniqi.

“Institucionet shëndetësore po funksionojnë me kapacitete të plota, furnizimi me barna është i qëndrueshëm, ndërsa deri në fund të muajit pritet të arrijë kontingjenti i parë i prej 33 mijë dozave të vaksinës COVAX dhe menjëherë të fillojë vaksinimi i qytetarëve”, ka thënë Hoti. Megjithatë, qytetarët e intervistuar më 10 mars në Qendrën Klinike Universitare të Kosovës kanë thënë për Radion Evropa e Lirë se duhet të blejnë pothuajse të gjitha ilaçet për familjarët e infektuar me koronavirus. Vetëm në shtatë ditët e fundit, në Kosovë janë regjistruar mbi 4.500 raste të infektimit. Nga data 11 shkurt, orë policore nuk ka në asnjë qytet të Kosovës, derisa orari i punës së operatorëve ekonomikë është nga ora 05:00 deri më 22:00.

Përndryshe Kosova vazhdon të mbetet vendi i vetëm në Evropë që nuk ka nisur procesin e vaksinimit. Skema e Organizatës Botërore të Shëndetësisë, COVOX, përmes së cilës pritet të shpërndahen vaksinat për koronavirus në vendet e varfra, ka bërë të ditur se Kosova mund të furnizohet me këtë vaksinë deri në muajin maj.

Në dërgesën e parë përmes COVAX-it, Kosova do të përfitojë 100,800 doza të vaksinës së prodhuar nga kompania AstraZeneca. Ministria e Shëndetësisë në Kosovë, në fillim të muajit janar, pati njoftuar se ka marrë konfirmim nga kompania amerikane, Pfizer, për sigurimin e 535,000 vaksinave kundër koronavirusit. Mirëpo zyrtarë të kësaj kompanie i kanë thënë Radios Evropa e Lirë se ende janë në diskutime me Qeverinë në detyrë të Kosovës për furnizim me vaksina.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *