“Rusia do përballet me pasoja të rënda, nëse pushton Ukrainën! Ministri gjerman i financave mesazh të qartë Moskës

rusia do perballet me pasoja te renda nese pushton ukrainen ministri gjerman i financave mesazh te qarte moskes
rusia do perballet me pasoja te renda nese pushton ukrainen ministri gjerman i financave mesazh te qarte moskes

Ministri gjerman i Financave, Christian Lindner, tha të martën se Gjermania ishte shprehur shumë qartë se Rusia do të përballej me pasoja të rënda nëse pushton Ukrainën, por ai nuk tha nëse do të anulohej vënia në funksionim e gazsjellësit “Nord Stream 2”.

Presidenti amerikan, Joe Biden, paralajmëroi të hënën se nëse Rusia pushton Ukrainën “nuk do të ketë më Nord Stream 2”. Ai nuk tha konkretisht se si do ta ndalonte atë, por theksoi se ishte në një emërues të përbashkët me kancelarin gjerman Olaf Scholz ndërsa Perëndimi po bën përpjekje intensive diplomatike për të shmangur një luftë në Evropë.

Zoti Scholz tha se Shtetet e Bashkuara dhe Gjermania kishin të njëjtën qasje ndaj Ukrainës, Rusisë dhe sanksioneve, por nuk konfirmoi drejtpërdrejt planet për “Nord Stream 2” dhe as nuk e përmendi publikisht gazsjellësin gjatë vizitës së tij njëditore në Uashington.

Zoti Lindner, duke folur në një konferencë virtuale të organizuar nga Deutsche Bank, tha se nuk do të spekulonte në lidhje me masat konkrete të parashikuara për sanksionet kundër Rusisë. “Ne jemi shumë të qartë se cenimi i integritetit territorial (të Ukrainës) do të kishte pasoja të rënda,” tha ai./VOA

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts