13:19 28/03/2022
Situata dhe më e ndërlikuar në sektorin farmaceutik pasi disa ilaçe importohen nga vendet e tjera
Ndërsa sanksionet perëndimore kanë prekur seriozisht rusët për sa i përket nevojave të përditshme dhe ilaçeve, qeveria po rrit mbështetjen për prodhuesit vendas dhe po kërkon alternativa si nga produktet vendase ashtu edhe nga ato mike.
Për shkak të përshkallëzimit të krizës në Ukrainë, nevojat e përditshme si sheqeri, furnizimet sanitare dhe ilaqet kundër depresionit janë bërë mallrat më të pakta në Moskë gjatë muajit të kaluar. Ekspertët sugjerojnë se aktualisht zbatohet edhe konsumi i arsyeshëm, duke u bërë thirrje banorëve të blejnë sipas nevojave aktuale.
“Ne duhet të përballemi me këto vështirësi. Produktet do të përzgjidhen përmes tregut dhe konkurrencës. Vetëm ato që njerëzit kanë nevojë dhe mund t’i përballojnë do të përdoren për konsum. Është shumë e rëndësishme të ruhet një ekuilibër midis ofertës së produktet vendase dhe fuqisë blerëse të njerëzve”.
Situata është edhe më e ndërlikuar në sektorin farmaceutik, ku vetëm gjysma e barnave prioritare prodhohen në Rusi, ndërsa pjesa tjetër importohet nga vendet e tjera. Disa pacientë janë të prekur pasi nuk janë në gjendje të blejnë ilaçe për shkak të sanksioneve.
“Ne nuk planifikojmë t’i mbyllim dyqanet, por t’i zgjerojmë ato. Ne mendojmë se në të ardhmen, njerëzit do të favorizojnë ato mallra me cilësi të lartë. Ne të gjithëve na pëlqen të kënaqim veten kur të mundemi. Kështu ata do të zgjedhin atë që i përshtatet më shumë. Kjo do të thotë se dikush do të zgjedhë një veshje që i përshtatet më mirë sesa të blejë tre”.
Kryeministri i Rusisë Mikhail Mishustin ka bërë thirrje për zbatimin e një programi zëvendësues për barnat e importuara dhe produktet mjekësore që janë shumë të kërkuara, në mënyrë që njerëzit të marrin barnat e nevojshme. Qeveria planifikon gjithashtu të mbështesë prodhuesit rusë përmes kredive preferenciale, subvencioneve qeveritare dhe përjashtimit nga inspektimet.
Klan News
Burimi informacionit @TvKlan: Lexo me shume ne : www.botasot.al
