13:31 29/04/2022
12 të plagosur, palestinezët sulmojnë forcat izraelite
Dhuna shpërtheu sërish në Malin e Tempullit në Jeruzalem edhe këtë të premte.
12 persona u plagosën në orët e para të mëngjesit, nga përleshjet mes besimtarëve myslimanë dhe forcave izraelite të sigurisë.
Besimtarët palestinezë hodhën akuza ndaj trupave izraelite se po tregoheshin të njëanshëm, duke u lënë hapësirë pelegrinëve hebrenj, të kryejnë ritualet në përtej afateve të përcaktuara në këtë zonë që është vend i shenjtë si për myslimanët ashtu edhe për hebrenjtë.
Kjo është e premtja e katërt radhazi e shoqëruar me trazira në Jeruzalemin Lindor. Prania e besimtarëve palestinezë ka qenë edhe më e lartë në xhaminë Al-Aksa edhe prej muajit të Ramazanit. Në të njejtën kohë edhe hebrenjtë kanë qenë të pranishëm në zonën e Malit të Shenjtë prej javëve të tyre të Pashkës.
Tv Klan