Sezoni turistik veror ka nisur, dhe Korça është një ndër qarqet që ofron shumë mundësi turizmi me natyrën e bukur, zonat historike, kishat e vjetra, traditat, muzikën, ushqimin e mirë dhe mikpritjen.
Për një sezon sa më të mbarë veror, Prefekti i qarkut të Korcës Nertil Jole mblodhi Komitetin Rajonal të Turizmit në parkun e Drilonit në Pogradec, një nga zonat me peshë të konsiderueshme në turizëm, ku aktualisht janë duke u zbatuar tre projekte si “Rehabilitimi e Parkut Ujor Drilon – Tushemisht”, “Shëtitorja e Tushemishtit”, “ByPass i Tushemishtit”, me një vlerë 15.5 milionë dollarë.
[embedded content]
Jole kërkoi që institucionet të bashkëpunojnë ngushtë me njëri-tjetrin, për të zhvilluar akoma më shumë turizmin në qarkun e Korçës.
Ai tha se është koha për një ofertë të re, të integruar për zhvillimin e turizmit brenda rajonit.Prefekti prezantoi një plan masash të mara për menaxhimin e sezonit turistik. Ky plan synon garantimin e rendit dhe qetësisë publike në zonat turistike, ofrimin e shërbimeve të kujdesit shëndetësor, kontrollin ndaj ndotjes akustike, rritjen e sigurisë rrugore, lehtësimin e hyrje-daljeve në kufi, sinjalistikën rrugore dhe vëzhgimin në plazhe, furnizimin pa ndërprerje me ujë të pijshëm e energji elektrike, mbikëqyrjen e vazhdueshme të sigurisë ushqimore, menaxhimin sa më të mirë të mbetjeve në zonat turistike, dhe zbatimin e kalendarit të festave lokale, për t’u konsideruar një rajon atraktiv për turistët.
Në qarkun e Korçës operojnë 225 struktura akomoduese hotele dhe bujtina dhe rreth 5270 shtreter, por në vijimësi synohet për të rritur sa më shumë kapacitetet mikpritëse në gjithë qarkun.
Burimi informacionit @BalkanWeb: Lexo me shume ne :bota sot www.botasot.al
