Sezoni turistik/ Nga e shtuna efektivët e Policisë së Shtetit do të punojnë 12 orë në ditë për tre muaj, orët shtesë do të paguhen

































Duke nisur nga nesër datë 15 qershor, efektivët e Policisë së Shtetit përgjatë tre muajve të verës në sezonin turistik do të punojnë 12 orë në ditë.

policia e shtetit

Çdo vit për mbarëvajtjen e sezonit turistik në zonat bregdetare dërgoheshin efektivë nga Tirana për shërbime gjatë sezonit turistik, por këtë vit nuk do të ndodhë, efektivët në të gjithë vendin do të punojnë 12 orë në ditë për të përballuar sezonin turistik.

News24 mëson se me urdhër të drejtorit të Përgjithshëm të Policisë së Shtetit, Muhamet Rrumbullaku është hequr kufizim i pagesës së orëve shtesë, ku efektivët paguheshin vetëm 16 orë shtesë në muaj. Tashmë përgjatë tre muajve efektivët do të paguhen për të gjitha orët shtesë, ku në një muaj do të paguhen përveç pagës edhe 104 orë të tjera shtesë.

Urdhri i firmosur nga drejtori i Përgjithshëm i Policisë së Shtetit, Muhamet Rrumbullaku hyn në fuqi nga data 15 qershor deri më 15 shtator. Po ashtu më datë 1 korrik hyn në fuqi edhe rritja e pagave për punonjësit e policisë dhe do t’u paguhen edhe 6 muajt e parë të vitit 2024 lekët e ushqimeve dhe sipas ministrisë së Brendshme nga 1 korriku lekët e ushqimeve efektivët do t’i marrin çdo muaj.

NDIQE LIVE “PANORAMA TV” © Panorama.al





Te lidhura

Burimi informacionit @Panorama.al: Lexo me shume ne :bota sot www.botasot.al

Spread the love

Similar Posts