Shtetet e Bashkuara të Amerikës (SHBA) dhe Ukraina rikonfirmuan kundërshtimin e tyre ndaj projektit të gazsjellësit “Rrjedha Veriore 2” në një deklaratë të përbashkët.
Dy vendet deklaruan mbështetjen e tyre për masat për të ruajtur rolin e tranzitit të gazit të Ukrainës dhe sigurinë e furnizimit në “parandalimin e përdorimit të energjisë nga Kremlini si një armë gjeopolitike”.
Sipas deklaratës së përbashkët, të dy vendet thanë se e shohin gazsjellësin si një kërcënim për sigurinë energjetike të Evropës, ndërsa SHBA-ja deklaroi synimin për të vazhduar përdorimin e masave të parashikuara në legjislacion dhe diplomacinë energjetike, përfshirë emërimin e fundit të këshilltarit të lartë për sigurinë e energjisë.
Megjithatë, u vu re se të dy vendet mbështesin përpjekjet për të rritur kapacitetin për furnizimin me gaz në Ukrainë nga burime të larmishme.
Tubacioni “Rrjedha Veriore 2” do të transportojë gaz nga Rusia në Gjermani, i cili më pas do të shpërndahet në të gjithë Bashkimin Evropian.
Shumë vende evropiane, si Lituania, Letonia dhe Estonia e kundërshtojnë projektin, duke e quajtur atë të motivuar politikisht.//AA
Burimi informacionit @BalkanWeb: Lexo me shume ne : www.botasot.al
