SHBA, Qendra për Kontrollin dhe Parandalimin e Sëmundjeve: Të rinjtë po “ushqejnë” rritjen e numrit të të infektuarve me COVID-19

Në SHBA, drejtoresha e Qendrave për Kontrollin dhe Parandalimin e Sëmundjeve Rochelle Walensky tha se të rinjtë janë ata që kryesojnë rastet e fundit me COVID-19, ndërsa shkalla në rritje e vaksinimit tek amerikanët më të mëdhenj në moshë, po parandalon rastet serioze të sëmundjes tek të moshuarit.

Zyrtarja e lartë e shëndetit publik tha gjatë një konferencë për shtyp të hënën se “rastet po rriten në shkallë vendi dhe kjo gjë po ndodh kryesisht tek të rinjtë”.

Ajo përmendi si shkak për këtë rritje të qëndrueshme të rasteve gjatë katër javëve të fundit, përhapjen në rritje të varianteve të reja të virusit, por gjithashtu dhe rritjen e aktiviteteve sportive rinore.

Zonja Walensky vuri gjithashtu në dukje zhvillimet pozitive mes grupmoshës më të ndjeshme, duke thënë se vdekjet nga virusi i të moshuarve kanë arritur nivelet e tyre më të ulëta që nga fillimi i vjeshtës së kaluar. Më shumë se 75% e personave mbi 65 vjeç ose më të mëdhenj në moshë kanë marrë të paktën një dozë të vaksinës dhe rreth 55% janë vaksinuar plotësisht.

“Ajo që po shohim është një ulje e vizitave në pavionet e urgjencës si dhe shtrimeve në spital nga kjo kategori e popullsisë”, tha zonja Walensky.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *