11:42 11/03/2022
Kremlinit pritet t’i hiqet statusi i marrëdhënieve të përhershme normale tregtare
Shtetet e Bashkuara të Amerikës pritet t’i heqin Rusisë statusin e “Marrëdhënieve të Përhershme Normale Tregtare” si një tjetër masë në kuadër të sanksioneve ndaj luftës që po zhvillon në Ukrainë.
Heqja e statusit të Rusisë të “Marrëdhënieve të Përhershme Normale Tregtare” me Shtetet e Bashkuara do të përshkallëzonte ndjeshëm presionin ndaj Presidentit rus Vladimir Putin për t’i dhënë fund konfliktit më të madh në Evropë që nga Lufta e Dytë Botërore.
Kjo lëvizje do të koordinohet me vendet e G7 dhe kërkon një akt të Kongresit Amerikan. Ndërkohë që ligjvënësit në të dy dhomat e Kongresit kanë shprehur mbështetje.
Senati amerikan votoi të enjten miratimin e 13.6 miliardë Dollarë për të ndihmuar Ukrainën të financojë municione dhe furnizime të tjera ushtarake, si dhe mbështetje humanitare.
Rusia i quan veprimet e saj në Ukrainë një “operacion special” për të çarmatosur Ukrainën dhe për të rrëzuar liderët që i quan neo-nazistë. Ukraina dhe aleatët perëndimorë e quajnë këtë një pretekst të pabazë për një luftë të zgjedhur që ka ngritur frikën e një konflikti më të gjerë në Evropë.
Klan News
