19:48 30/10/2021
Irani: Joe Biden po ndjek shembullin e Donald Trump
Administrata e presidentit amerikan Joe Biden ka shpallur sanksione të reja ndaj Iranit për shkak të furnizimeve me dronë dhe pajisje tjera të grupeve kryengritëse që i mbështet në Irak, Liban, Jemen dhe Etiopi.
Njoftimi për sanksionet është bërë nga Departamenti i Thesarit në SHBA, i cili ka thënë se përhapja e këtyre mjeteve nga Irani kërcënon paqen dhe stabilitetin ndërkombëtar.
“Garda Revulucionare e Iranit ka përdorur dhe përhapur dronët, përmes të cilëve janë bërë edhe sulmet ndaj forcave të SHBA-së dhe anijeve ndërkombëtare”, thuhet në një deklaratë të lëshuar nga Departamenti i Shtetit.
Sanksionet përfshijnë bllokimin e pasurisë në Shtetet e Bashkuara të individëve dhe subjekteve tjera. Pastaj masa u ndalon amerikanëve të kryejnë transaksione biznesi me këto subjekte ndërsa ata që bashkëpunojnë me këta individë apo kompani përballen me ndëshkime të mundshme.
Irani i ka dënuar sanksionet duke thënë se vendosja e sanksioneve të reja është një shenjë e sjelljes kontradiktore të Shtëpisë së Bardhë. Zëdhënësi i Ministrisë së Jashtme Saeed Khatibzadeh, e quajti “ironike” faktin që qeveria amerikane po pretendon ti kthehet marrëveshjes bërthamore por tani po ndjek shembullin e ish-Presidentit Donald Trump në vazhdimin e sanksioneve dhe po dërgon mesazhin se SHBA nuk është e besueshme.
Marrëveshja mes fuqive botërore dhe Iranit e arritur në vitin 2015 kufizonte programin bërthamor të Iranit në këmbim të lehtësimin të sanksioneve ndërkombëtare. Shtetet e Bashkuara u tërhoqën më 2018 nga kjo marrëveshje dhe vendosën sanksione të ashpra ndaj Iranit. Në anën tjetër Teherani filloi me shkeljen e kushteve të marrëveshjes.
Klan News
Të ngjashmeBurimi informacionit @TvKlan: Lexo me shume ne : www.botasot.al
