Shefi i NATO-s Stoltenberg i bën presion Kongresit Amerikan që të miratojë ndihmën për Ukrainën

shefi i nato s stoltenberg i ben presion kongresit amerikan qe te miratoje ndihmen per ukrainen
shefi i nato s stoltenberg i ben presion kongresit amerikan qe te miratoje ndihmen per ukrainen

Sekretari i Përgjithshëm i NATO-s, Jens Stoltenberg i kërkoi Kongresit të Shteteve të Bashkuara të miratojë ndihmën me vlerë më shumë se 110 miliardë dollarë për Ukrainën në një konferencë për shtyp  në Bruksel.

Zyrtari më i lartë i NATO-s tha se ishte thelbësore që Kongresi amerikan të bjerë dakord për financimin e Ukrainës për t’u mbrojtur kundër sulmit rus. “Është në interesin tonë të sigurisë,” tha ai në një konferencë për shtyp.

Këshilltarët e sigurisë kombëtare të vendeve anëtare të aleancës po ndiqnin një takim në selinë e NATO-s për të diskutuar përpjekjet e vazhdueshme për të investuar në mbrojtje dhe mbështetjen e ardhshme për Ukrainën .

Këshilltari i Sigurisë Kombëtare i SHBA-së, Jake Sullivan , duke folur përkrah Stoltenberg-ut, i përshkroi bisedimet e stërzgjatura të brendshme politike të SHBA-së në Kongres mbi financimin e Ukrainës si “shumë të tepruar dhe zhgënjyes”.

“Historia do të regjistrojë çdo dështim për të ofruar llojin e ndihmës që përmbahet në paketën që u paraqit këtë javë,” tha ai.

Demokratët dhe republikanët në SHBA nuk kanë qenë në gjendje të kalojnë ndihmën financiare për Ukrainën, e përmbyllur në një grindje për politikën amerikane të migracionit dhe disa republikanë , veçanërisht ata në Dhomën e Përfaqësuesve, vënë në pikëpyetje mbështetjen e SHBA për Ukrainën.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb

Burimi informacionit @BalkanWeb: Lexo me shume ne : bota sot www.botasot.al

Spread the love

Similar Posts