Shkelje e armëpushimit? Armenia akuzon Azerbajxhanin se i ka vrarë tre ushtarë në kufi

Armenia tha se tre ushtarë të saj u vranë nga të shtënat e forcave të Azerbajxhanit në kufi.

Ministria armene e Mbrojtjes tha se dy ushtarë të tjerë u plagosën, pasi forcat e armatosura të Azerbajxhanit “provokuan edhe një herë shkeljen e armëpushimit në pjesën verilindore të kufirit Armeni-Azerbajxhan”.

“E gjithë përgjegjësia për përkeqësimin e situatës i takon udhëheqjes ushtarako-politike të Azerbajxhanit”, tha Ministria armene, duke shtuar se ka viktima edhe në anën e Azerbajxhanit.

Ministria e Mbrojtjes e Azerbajxhanit akuzoi Armeninë për përshkallëzimin e situatës.

Ajo tha se njësitë e Forcave të Armatosura të Armenisë kanë hapur zjarr në pozicionet e trupave azerbajxhanase, të vendosura në rajonin Kallbaxhar, duke plagosur dy ushtarë azerbajxhanas.

Azerbajxhani tha se “Armenia mban përgjegjësinë e plotë” për përshkallëzimin e situatës.

Dy vendet, vitin e kaluar, kanë luftuar gjashtë javë për rajonin e Nagorno Karabakut.

Ky rajon njihej ndërkombëtarisht si pjesë e Azerbajxhanit, por kontrollohej nga armenët etnikë qysh në fillim të viteve 1990.

Rreth 6,000 njerëz janë vranë në luftimet e vitit të kaluar, që kanë përfunduar me një marrëveshje armëpshimi të ndërmjetësuar nga Moska.

Sipas marrëveshjes, një pjesë e Nagorno Karabakut dhe të shtatë rrethet përreth tij janë vendosur nën administrimin e Azerbajxhanit, pas gati 30 vjetësh nën kontrollin e forcave etnike armene.

/REL

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *