Shteti i 23-të i SHBA-së, Virginia shfuqizon dënimin me vdekje

Shteti i Virginias në SHBA ka njoftuar se ka hequr dënimin me vdekje, duke u bërë shteti i 23-të i SHBA-së që merr një vendim të tillë. Virginia kishte numrin e dytë më të lartë të ekzekutimeve në Shtetet e Bashkuara, pas Teksasit.

Guvernatori demokrat, Ralph Northam, nënshkroi legjislacionin përmes një ceremonie pasi bëri një vizitë në vendin ku është kryer ekzekutimi i 102 personave që ishin dënuar me vdekje. Kundërshtarët e dënimit me vdekje thonin se masa ishte zbatuar në mënyrë jo të drejtë për njerëzit me ngjyrë, të sëmurët mendorë dhe të varfrit. Republikanët thanë se dënimi me vdekje duhet të mbetet një mundësi dënimi për disa krime dhe që të ofrojë drejtësi për viktimat dhe familjet e tyre.

Që nga viti 1973, më shumë se 170 njerëz janë liruar nga dënimi me vdekje, pasi u zbuluan provat e pafajësisë së tyre, tha guvernatori Northam. Vetëm dy persona kanë qenë aktualisht të dënuar me vdekje në Virginia dhe dënimet e tyre tani do të shndërrohen në burgim të përjetshëm pa mundësinë e ankesës.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *